ማስታወቂያ :ለዲላ ዩኒቨርስቲ ማህበረሰብ በሙሉ

"የጠራ የሳይንስና ትምህርት ፖሊሲ፣ ስትራቴጂ፣ ዕቅድ፣ ፕሮግራሞች እና ቁልፍ የውጤት አመላካቾች ግንዛቤና ትግበራ ለኢትዮጵያ ዕድገት፣ልማትና ብልጽግና" በሚል መሪ ቃል በሳይንስና ከፍተኛ ትምህርት ፖሊሲና ስትራቴጂ፣ በዐሥር ዓመት መሪ የልማት ዕቅድ፣ እና በቁልፍ የውጤት አመላካች ዙሪያና በዲላ ዩኒቨርስቲ የዐሥር ዓመት መሪ የልማት ዕቅድ ላይ ለመምህራንና አስተዳደር ሠራተኞች የተዘጋጀ ሥልጠና ከመጋቢት 13-14 ዓ.ም ድረስ በሦስቱም ግቢዎች ይሰጣል። በመሆኑም በዕለቱ በዋናው ግቢ ሁለገብ አዳራሽ፣ በኦዳያኣ ግቢ የተማሪዎች መመገቢያ አዳራሽና በሆስፒታል ግቢ በዋናው ቤተመጻሕፍት የሚካሄድ በመሆኑ ሁሉም ሠራተኛ ባለመቅረት እንዲገኝ እናሳስባለን።

ከቡና ገለፈት የሚዘጋጅ ሥነ ህይወታዊ የአፈር ማዳበሪያ ፕሮጀክት ሥራ ጀመረ

ዲየ፤ ታህሣሥ 08 ቀን 2013 ዓ.ም (ሕ.ግ) በዲላ ዩኒቨርሲቲ የተሰራውና በጌድኦ ዞን ወናጎ ወረዳ ቱማታ ጪርቻና በአባያ ወረዳ የተጀመረው ከቡና ገለፈት የሚዘጋጅ ሥነ ህይወታዊ የአፈር ማዳበሪያ (ቨርሚ ኮምፖስ) ፕሮጀክት ሥራ ማስጀመሪያ መርሐ ግብር ተካሂዶ ፕሮጀክቶ በይፋ ሥራ ጀመረ፡፡
አገራችን ኢትዮጵያ በቡና ምርታቸው ከታወቁት ሀገራት አንዷ ስትሆን ቡና ተረፈ ምርት ላይ ሳታውል መቆየተዋን ያነሱት የዲላ ዩኒቨርሲቲ ፕሬዝዳንት ዶ/ር ችሮታው አየለ ይህ አካባቢን እየበከለ ለረጅም ጊዜ አገልግሎት ሳይሰጥ የቆየውን የቡና ገለፈት በአሁኑ ሰዓት በቨርሚ ኮምፖስ አገልግሎት ላይ እንዲውል መደረጉ ትልቅ እርምጃ መሆኑን ተናግረዋል፡፡

ዲላ ዩኒቨርሲቲ የተለያዩ ፕሮጀክቶችን አስመረቀ

ዲላ ዩኒቨርሲቲ ለማህበረሰብ አገልግሎት ፋይዳ ያላቸውን ሦስት ፕሮጀክቶችን አስመረቀ፡፡ ዩኒቨርሲቲው የማህበረሰብ አገልግሎትን ታሳቢ በማድረግ ካከናወናቸው ፕሮጀክቶች መካከል የዲላ ዩኒቨርሲቲ ማህበረሰብ ተኮር የሬዲዮ ጣቢያ ኤፍ.ኤም 89.0፣ የኮቪድ-19 መመርመሪያ ማዕከልና የወተት ላሞች እርባታና ቴክኖሎጂ ጣቢያ ይገኙበታል፡፡ በምርቃት ሥነ-ስርዓቱ ተገኝነተው ፕሮጀክቶችን የመረቁት የዲላ ዩኒቨርሲቲ ሥራ አመራር ቦርድ ሰብሳቢ ዶ/ር ምስራቅ መኮንን የማህበረሰብ ሬዲዮው ለማህበረሰቡ ከማስተማርና ግንዛቤን ከመፍጠር አንጻር ፋይዳው ከፍተኛ በመሆኑ ማህበረሰቡ የሚያዳምጥ ብቻ ሳይሆን የሚሳተፍበት እንዲሆን መሥራት ያስፈልጋል ብለዋል፡፡ አክለውም የኮቪድ-19 መመርመሪያ ማዕከልም ሆነ የወተት ላሞች እርባታና ቴክኖሎጂ ጣቢያው ለህብረተሰቡ ያለው ጠቀሜታ የጎላ ነው በማት ገልጸዋል፡፡ የጌዴኦ ዞን ዋና አስተዳደር አቶ ሽፈራው ቦጋለ በበኩላቸው የሬዲዮ ጣቢያ መከፈቱ የአካበቢው ማህበረሰብ መረጃ ለማግኘት ያለውን አማራጭ የ

አይ.ሲ.ቲ መሠረተ ልማት ማስፋፊያና ማጠናከሪያ ሥራ

በአይ.ሲ.ቲ መሠረተ ልማት የማስፋፊያና ማጠናከሪያ ሥራ እየተከናወነ ይገኛል፡፡ለመሠረተ ልማቱ መስፋፋት ዩኒቨርሲቲው ከ48 ሚሊዮን ብር በላይ ወጪ አድርጓል፡፡
ዲዩ፤ መስከረም 9 ቀን 2013 ዓ.ም (ሕ.ግ) ዲላ ዩኒቨርሲቲ የአይ.ሲ.ቲ መሠረተ ልማት የማስፋፊያ፣ ማጠናከሪያና ማሻሸያ ሥራዎች እየተከናወኑ እንደሚገኙ የዩኒቨርሲቲው ኢንፎረሜሸንና ኮሚዩኒኬሽን ቴክኖሎጂ ዳይሬክተር አቶ ተመስገን ፊልጶስ ገልጸዋል፡፡
የማሰፋፊያ ፕሮጀክቱ በደህንነት ካሜራ፣በገመድ አልባ ኔትወርክ እና በዳታ ማዕከል መሠረተ ልማት ላይ ያተኮረ መሆኑን የገልጹት ዳይሬክተሩ የመሠረተ ልማቶቹ መስፋፋት ለመማር ማስተማሩም ሆነ ለደህንነቱ ከፍተኛ አስተዋጽኦ እንዳላቸው አንስተዋል፡፡

ዲላ ዩኒቨርሲቲ የቡና ምርታማነትን ለማሳደግ እየሠራ ይገኛል

ዲዩ፤ ጥር 25 ቀን 2013 ዓ.ም (ሕ.ግ) ዲላ ዩኒቨርሲቲ ያረጁ ቡናዎችን በመጎንደል፣በመንቀልና በምትካቸው አዳዲስ በምርምር ውጤታማነታቸው የተረጋገጠና የተሻለ ምርት የሚሰጡ የቡና ችግኞችን በማፍላትና ለአርሶ አደሩ የማዳረስ ሥራዎችን እየሠራ እንደሚገኝ የምር/ቴ/ሽ/ም/ፕ ዶ/ር ፍሬ ሕይወት እንዳለ ገልጸዋል፡፡

የነጥብ የሥራ ምዘናናደረጃ አወሳሰን ዜደ (JEG) ድልደላ

ዝርዝሩን ለማየት ይህንን ይጫኑ(የነጥብ የሥራ ምዘናናደረጃ አወሳሰን ዜደ (JEG) ድልደላ )

ለዲላ ዩኒቨርሲቲ የአስተዳደር ድጋፍ ሰጭ ሠራተኞች በሙሉ፡

ዲላ ዩኒቨርሲቲ በዚህ ደብዳቤ ማስታወቂያ መሠረት የአስተዳደር ድጋፍ ሰጭ ሠራተኞች አወዳድሮ ድልደላ ያደርጋል፡፡ሠራተኞች የሚወዳደሩበት የሥራ መደብ ካላቸው ዝግጅት እንዲያጠኑ በማሰብ የውድድር ፎርም የሚሞላው ከታህሳስ 13 ቀን 2012 ዓ.ም ጀምሮ በሚወጣ ዝርዝር ፕሮግራም መሠረት ይሆናል፡፡

በዲላ ዩኒቨርሲቲ የዲጂታል መሰረተ ትምህርት የአጭር ጊዜ ስልጠና እየተሰጠ ነው

ዲዩ፤ ነሐሴ 9 ቀን 2011 ዓ.ም (ህዝብ ግንኙነት) የኢንፎርሜሽን ኮሙኒኬሽን ቴክኖሎጂ ዳይሬክቶሬት ከኮምፒውቲንግ እና እንፎርማቲክስ ትምህርት ቤት ጋር በመተባበር ሁለት ሺህ ለሚሆኑ ዜጎች መሠረታዊ የኮምፒውተር ትምህርት በመስጠት ላይ ይገኛል፡፡
የኮምፒውተር መሠረታዊ ዕውቀት(Computer Basics)፣ የበይነ መረብ አገልግሎቶች አጠቃቀም (The Internet, cloud services and world wide web)፣ የአገልግሎት ሰጪ መተግበሪያ ፕሮግራሞች አጠቃቀም(Productivity Programmes)፣ የዲጂታል አኗኗር (Digital lifestyles)፣ የግል መረጃ ደህንነት አጠባበቅ(Computer security and privacy) በዲጂታል መሠረተ ትምህርት (Digital Literacy) ስልጠና እየተዳሰሱ ያሉ ርዕሰ ጉዳዮች ናቸው፡፡

Pages