በቨርሚ ኮምፖስት የአፈር ማዳበርያ አዘገጃጀትና አጠቃቀም ዙሪያ በወናጎ እና አባያ ወረዳ ለሚገኙ ሞዴል አርሶ አደሮች ስልጠና ተሰጠ።

ዲ.ዩ. ነሐሴ 28 ቀን 2013 ዓ.ም (ሕ.ግ.) የዲላ ዩኒቨርሲቲ ማህበረሰብ አገልግሎትና አጋርነት ዳይሬክቶሬት ከግብርናና ተፈጥሮ ሃብት ኮሌጅ ጋር በመተባበር በቨርሚ ኮምፖስት የአፈር ማዳበሪያ አዘገጃጀትና አጠቃቀም ዙሪያ ወናጎ እና አባያ ወረዳ ለሚገኙ ሞዴል አርሶ አደሮች ስልጠና ሰጠ።
ሞዴል አርሶ አደሮች ከስልጠናው በኃላ በራሳቸው ማሳ ላይ ኮምፖስቱን ማምረት እንዲችሉ የተለያዩ የተግባር ስልጠናዎች መሰጠቱን የገለጹት የማህበረሰብ አገልግሎትና አጋርነት ዳይሬክቴር አቶ ክብሩ አለሙ ቴክኖሎጂው ቀለል ያለ በመሆኑ ሁሉም በአካባቢው ለማምረት የሚያስችል ሲሆን በአፈር ለምነት ምክንያት ተፈጥሮ የነበረውን የምርታማነት ችግር የመቀረፍ ዕድሉ ከፍ ያለ እንደሆነም ገልጸዋል።

የደቡብ ክልል ጤና ቢሮ በቡታጅራ ባዘጋጀው ፎረም ለዶ/ር ሰላማዊት አየለ በስራ ዘመን በአመራር ብቃት የላቀ የአመራር ዘርፍ ሽልማት ሰጠ፡፡

ዲ.ዩ ነሐሴ 28/2013 ዓ.ም (ህ.ግ.) በቡታጅራ በተካሄደው የደቡብ ክልል ብ/ብ/ህ/ክ/መንግስት የጤና ሴክተር የ2013 ዓ.ም በጀት አመት እቅድ አፈፃፀም የምክክር መድረክ ላይ በተደረገው የእውቅና መድረክ ላይ የዲላ ዩኒቨርሲቲ ጤና ሳይንስ ኮሌጅ ሪፈራል ሆስፒታል ም/ፕሬዝዳንት ዶ/ር ሰላማዊት አየለ በስራ ዘመናቸው በላቀ አመራር ዘርፍ በአመራር ብቃት እና በትልቅ ትጋት ቁርጠኝነት ለብዙዎች አርአያ በመሆን ላስመዘገቡት የላቀ ውጤት የክልሉ ጤና ቢሮ እውቅናና ሰርተፍኬት ክርስታል ዋንጫ መሸለማቸው ተገለፀ፡፡

የዲላ ዩኒቨርሲቲ STEM ማዕከል ከሠላጣኝ ተማሪ ወላጆች ጋር ውይይትና ጉብኝት አደረገ፡፡

ዲ.ዩ ነሐሴ 27/2013 ዓ.ም. (ህ.ግ) ለአንድ ሀገር ዕድገት ሳይንስና ትክኖሎጂ ዋነኛዉ ምሰሶ ነዉ ያሉት አቶ ተካኝ ታደሰ የSTEM ማዕከል ዳይሬክተር ማዕከሉ ለሀገራችን በሳይንስና ቴክኖሎጂ የመጠቁ ዜጎችን ለማፍራት የበኩሉን አስተዋዕፆ እያደረገ ባለዉ ጥረት በጌዴኦ ዞን ከሚገኙ 8 ወረዳዎች እና 4 የከተማ አስተዳደሮች የአንደኛ እና የሁለተኛ ደረጃ ተማሪዎች በቴክኖሎጂ ፈጠራ ዝንባሌ÷ በትምህርት ቤታቸው ባላቸው የፈጠራ ክበብ ተሳትፎ እና በሳይንስ እና ትክኖሎጂ ውጤታቸው ተወዳድረው ያሸነፉትን በማዕከሉ በክረምት ለ2 ወር ስልጠና እና ትምህርት እየተሰጠ እንዳለ ዳይሬክተሩ ገልፀዋል፡፡

የሰው ሀብት ልማትና አስተዳደር ዳይሬክቶሬት አዲስ ለተቀጠሩ የካምፓስ ፖሊስ አባላት ስልጠና ሰጠ፡፡

ዲ.ዩ. ነሐሴ 25 (2013 ዓ.ም.) (ህ.ግ.) በሀገራችን ውስጥ ከሚገኙ አንጋፋ ተቋማት መካከል አንዱ ዲላ ዩኒቨርሲቲ መሆኑን የገለፁት ዶ/ር ዳዊት ሀይሶ የዲላ ዩኒቨርሲቲ አስ/ተ/አ/ም/ፕረዝዳንት እና የዩኒቨርሲቲው ፕሬዚዳንት ተወካይ ተቋሙ ከ5,500 በላይ የአስተዳደርና አካዳሚክ ሠራተኞች የያዘ÷ ከ30 ሺህ በላይ ተማሪዎች በተለያዩ በመደበኛና በተከታታይ ፕሮግራሞች እንደሚያስተምር ጠቅሰው በቀጣይ 10 ዓመታት በመማር ማስተማር፣ በምርምር እና በማህበረሰብ አገልግሎት በሀገራችን ካሉት ዩኒቨርሲቲዎች ግንባር ቀደም ለመሆን ራዕይ ነድፎ እየሰራ ይገኛል ብለዋል፡፡
ይሄን ትልቅ ራዕይ ለማሳካት እናንተ አዲስ የተቀጠራችሁ የካምፓስ ፖሊስ አባላት በትክክለኛ ስነ- ምግባር ጠንክራችሁ በመስራት የበኩላችሁን ጥረት እንዲታደርጉ ይገባል በማለት ዶ/ር ዳዊት መልዕክታቸውን አስተላልፈዋል፡፡

የዲላ ዩኒቨርሲቲ በአመራርና አሰራር ስርዓት ነባራዊ ሁኔታ ከጅማ ዩኒቨርሲቲ ልምድ ልውውጥ አደረገ፡፡

ዲ.ዩ ነሐሴ 25/2013 ዓ.ም (ህ.ግ) ይህ ተቋም የጋራ እንደመሆኑ መልካም ተሞክሮ ካላቸው ተቋማት ልምድ በመቀመር ተቋማችንን ማሸጋገር የአመራሩ ቁርጠኛ ሀሳብ መሆኑን የተናገሩት ዶ/ር ዳዊት ሀዬሶ የዲላ ዩኒቨርሲቲ አስ/ተማ/አገልግሎት ም/ፕሬዝዳንትና የዩኒቨርሲቲው ፕሬዝዳንት ተወካይ ወደድንም ጠላንም በአሁኑ ሰዓት አለም በፈጣን ሁኔታ እየተቀየረች ሀገራትና ተቋማት እየተቀየሩ ባሉበት ወቅት ላይ ተቋማችን የለውጥ ምህዋር ውስጥ በመግባት ለውጡን ማፍጠን ግድ ነው ብለውናል፡፡
የበላይ አመራሩና ሠራተኛው የለውጥ መንገዱን ለማስቀጠል ቁርጠኛ ብቻ ሳይሆን ከዚህ በፊት የሚሰራበትን አሰራር በመቀየር በቴክኖሎጂ የታገዘ አሰራር መዘርጋትና ማጠናከር ይገባል ብለዋል፡፡

Dilla University has conducted multi-stakeholder workshops on Genale-Dawa Strategic Basin Planning Project

DU 30 August 2021 (PIR) Preparation of Genale-Dawa Strategic Basin plan is one of the major projects undertaken by Dilla University in collaboration with the Basin Development Authority. The project also involves some of the senior professionals from Hawassa and Bule Hora Universities. 

የዲላ ዩኒቨርሲቲ የጤና ሳይንስ ኮሌጅና የሪፈራል ሆስፒታል ሴት ሠራተኞች ፎረም ተመሠረተ፡፡

ዲ.ዩ ነሐሴ 22/2013 ዓ.ም (ህ.ግ) የአንድን ሀገር ዜጎች እኩል ማየትና ለፆታ እኩልነት ቦታ መስጠት ያስፈልጋል ያሉን የዲላ ዩኒቨርሲቲ ጤና ሳይንስ ኮሌጅና የሪፈራል ሆስፒታል ም/ፕሬዝዳንት ዶ/ር ሠላማዊት አየለ በሀገራችን አንቱ የተባሉ በርካታ ስራዎችን የሰሩ ሴት አመራሮች መኖራቸውን አውስተው ሴቶች በአንድነት በመሆን ሲታገሉም ሆነ ለመብታቸው ሲሰሩ ለውጥ ማምጣት ይችላሉ ብለዋል፡፡

ይህ ፎረም ዛሬ በጤና ሳይንስ ኮሌጅና ሪፈራል ሆስፒታል ባሉ መምህራን፣ የአስተዳደር ሠራተኞች፣ የጤና ባለሙያዎችና የስርዓተ ፆታ ኃላፊዎች ተገኝተው የተመሰረተ መሆኑንም ዶ/ር ሠላማዊት ተናግረዋል፡፡

የዲላ ዩኒቨርሲቲ ለ2ኛ ዙር በቡና ልማትና ምርት ዝግጅት ያሰለጠናቸውን የግብርና ባለሙያዎች አስመረቀ

ዲ.ዩ. ነሐሴ 22 ቀን 2013 ዓ.ም (ሕ.ግ.) የዲላ ዩኒቨርሲቲ የቡና ምርምር ማዕከል ከጂ.አይ.ዜድ. ኢትዮጵያ አቅም ግምባታ ፕሮጀክት ጋር በመተባበር ከኢሉባቦር ዞንና ወረዳዎች ለመጡ 38 የግብርና ባለሙያዎች በቡና ልማት ምርት ዝግጅት፣ ጥራት ቁጥጥር እና ኤክስተንሽን ላይ የሰለጠኑትን ባለሙያዎች አስመረቀ፡፡ 

የዩኒቨርሲቲው አስ/ተማ/አገ/ም/ፕሬዚዳንት እና የፕሬዚዳንቱ ተወካይ ዶ/ር ዳዊት ሀዬሶ በመክፈቻ ንግግራቸው ዲላ ዩኒቨርሲቲ የቡና ጥራት ለማሻሻልና አለም አቀፍ የጥራት መስፈርት በሚጠይቀው ደረጃ ቡና ለማዘጋጀት እንዲቻል የቡና ምርምር ማዕከል በማቋቋም የተለያየ ሥራዎችን እየሰራ መሆኑን ገልጸው ሠልጣኞች በሥልጠናው ያገኙትን ዕውቀትና ልምድ ተጠቅመው ለሀገራችን ባለውለታ የሆነውን ቡና እንዲደግፉ፣ እንዲያሳድጉ እና ተገቢውን ቦታ እንዲይዝ አስተዋጽኦ እንዲያደርጉ ጥሪ አቅርበዋል፡፡ 

የዲላ ዩኒቨርሲቲ የረዳት ፕሮፌሰርነት የደረጃ እድገት ለመምህራን ሰጠ፡፡

ዲ.ዩ ነሐሴ 22/2013 ዓ.ም (ህ.ግ.) የዲላ ዩኒቨርሲቲ ከተሰጠው ተልዕኮ አንፃር የጤና ዘርፍ ዋነኛ ትኩረት መሆኑን የተናገሩት የዲላ ዩኒቨርሲቲ ሪፈራል ሆስፒታልና ጤና ሳይንስ ኮሌጅ የምርምር ዋና ዳይሬክተር አቶ ጌትነት መላኩ ኮሌጁ በመማር ማስተማር፣ ምርምር እና ማህበረሰብ አቀፍ አገልግሎት የተጣለበትን ከፍተኛ ኃላፊነት በብቃት እየተወጣ እንደምገኝ ገልፀው የመምህራን ልማትን በትኩረት እየሰራን ነው ብለውናል፡፡ 

አክለውም አቶ ጌትነት በ2013 ዓ.ም ለአስር መምህራን በምርምር ህትመት፣ በዩኒቨርሲቲው አስተዳደር ጉዳዮች በኃላፊነትና ባላቸው ብቃት በመማር ማስተማር ስራ አፈፃፀም በመመዘን በዩኒቨርሲቲው ሴኔት የረዳት ፕሮፌሰርነት አካዳሚክ ማዕረግ ደረጃ እድገት ተሰቷል ብለዋል፡፡

እንኳን ደስ አላችሁ!!!

በዲላ ዙሪያ ለሚገኙ አርሶ አደሮች የአትክልት ችግኝ ስርጭት ተካሄደ።

ዲ.ዩ ነሐሴ 21ቀን 2013 ዓ.ም. (ሕ.ግ) የዲላ ዩኒቨርሲቲ የማህበረሰብ አገልግሎትና አጋርነት ዳይሬክቶሬት በጌዴኦ ዞን ዲላ ዙሪያ ወረዳ በጎላ፣ ሲሶታ፣ አንዲዳና ጪጩ ቀበሌዎች ለሚገኙ አርሶ አደሮች የግንዛቤ ማስጨበጫና የአትክልት ችግኝ ስርጭት አካሄደ። 

የግንዛቤ ማስጨበጫው ዋና ዓላማ አርሶ አደሩ በአትክልት ችግኝ አተካከል ዙሪያ በቂ ዕውቀት ኖሮት የአትክልት ምርቶችን በዘላቂነት እንዲያቀርብ በማስቻል ማህበረሰቡ በአካባቢው በመገንባት ላይ ላለው ኢንዱስትሪ ፓርክ  የአትክልትና ፍራፍሬ ግብአት እንዲያቀርብ ለማስቻል መሆኑን የማህበረሰብ አገልግሎትና አጋርነት ዳይሬክቶሬት ጽ/ቤት አሳውቋል። 

Pages