የዲላ ዩኒቨርሲቲ የስነ-ምግባርና ፀረ-ሙስና ዳይሬክቶሬት ለተመራቂ ተማሪዎች “ህይወት ከምረቃ በኋላ” በሚል ርዕስ ስልጠና ሰጠ፡፡

ዲ.ዩ ሐምሌ 27/2013 ዓ.ም (ህ.ግ) የዘንድሮ ተመራቂ ተማሪዎች ልዩ የሚያደርጋቸው በኮቪድ 19 ምክንያት ትምህርት ተቋርጦ ስለነበረ ተማሪዎች ወደ ትምህርት ሲመለሱ በጊዜ እጥረት ከባድ ጫና የነበረባቸው ሲሆን ይህን ተግዳሮት ተቋቁመው ለዚህ ቀን መድረሳቸው በጣም አስደሳች መሆኑን የተናገሩት የዲላ ዩኒቨርሲቲ ፕሬዚዳንት ተወካይና አስ/ተ/አ/ም/ፕሬዝዳንት ዶ/ር ዳዊት ሀዬሶ ተማሪዎች ተመርቀው ወደ ስራ ዓለም ሲቀላቀሉ በስነ-ምግባር ታንጸው ኃላፊነታቸውን በአግባቡ በመወጣት እና ራሳቸውን ከብልሹ አሰራር እና ሙስና በመጠበቅ ወገናቸውን እና ሀገራቸውን ወደተሻለ የእድገት ደረጃ ለማድረስ የበኩላቸውን ጥረት እንዲያደርጉ መልእክት አስተላልፈዋል፡፡

የዲላ ዩኒቨርሲቲ በኮቪዲ 19 መከላከልና መቆጣጠር ባሳየው አፈፃፀም ከክልል ጤና ቢሮ የዋንጫና የምስጋና የምስክር ወረቀት ተሰጠው::

ዲዩ ሐምሌ 23/2013(ህ.ግ) በአለም ደረጃ የኮቪዲ 19 የመከላከሉና የመቆጣጠሩ ስራ ሲሰራ ሀገራችንም ይህን አስከፊ ወረርሽኝ ለመከላከል የሰራችው ስራ ከፍተኛ ነበር ያሉን የዲላ ዩኒቨርሲቲ ኘሬዝዳንት ዶ/ር ችሮታው አየለ እንደ ተቋምም ዩኒቨርሲቲያችን ከኬንያ በኩል ወደ ሀገራችን ይገቡ የነበሩትን ዜጎች የኳራንቲን አገልግሎት ከመስጠት ባለፈ የኦክስጂን ፕላንት እስከመትከል ድረስ ሰፋፊ ስራዎች ሲሠሩ የቆዩ እንደነበር አውስተው እንደ ሀገር በነበረው አቅጣጫ ተቋማችን የመማር ማሰተማሩን ሥራ አቁሞ ሙሉ ትኩረቱን ወረርሽኑን በመከላከልና መቆጣጠር ላይ በማድረግ ከፍተኛ ድጋፍ እየሰጠ እንደነበር ተናግረዋል::
ይህ ስራችን ታይቶና ተመዝኖ የተሰጠን እውቅና ነገ ለምንሰራው ስራ ትልቅ አሰተዋፅዖ አለው ያሉን ዶ/ር ችሮታው የዚህ ሽልማት ባለቤቶች መላው የተቋማችን ሰራተኞች በመሆናቸው እንኳን ደስ አላችሁ ብለዋል::

የዲላ ዩኒቨርሲቲ የልዩ ፍላጎት ትምህርት ድጋፍ ማዕከል ለአካል ጉዳተኛ ተማሪዎች ልዩ ስልጠና ሰጠ፡፡

ዲ/ዩ 19/2013 ዓ.ም (ህ.ግ) አካል ጉዳተኝነት ማንኛውንም ስራ መስራት የሚያግድ አለመሆኑን የተናገሩት የልዩ ፍላጎት ትምህርት ድጋፍ ዳይሬክተር ዶ/ር አባቡ ተሾመ አንድ ሰው አካል ጉዳተኛ የሚባለው አንድ የአካል ስሜት ሲያጣ በመሆኑ ይህ የአካል ስሜት ማጣት በህብረተሰብ የሚያሰጠው ስም በየቦታው የተለያየ እንደሆነ አውስተው አላስፈላጊ ስሞችን በማውጣት የአካል ጉዳተኛውን ሞራልም ሆነ ስሜት መንካት አስፈላጊ አለመሆኑን ተናግረዋል፡፡
አሁን ላይ ለአካል ጉዳተኛ ተማሪዎች ያለው ሁኔታ ከዚህ በፊት ከነበረው የተሻለ እንደሆነ ለአዲስ ገቢ ተማሪዎች ያወሱት ዶ/ር አባቡ አካል ጉዳተኛ ተማሪዎች በተቋሙ ባሉ መሰረተ ልማቶችና ተቋሙ የሚያቀርባቸውን ግብዓቶች በመጠቀም የተሻለ ውጤት ለማምጣት ጠንክረው መስራት እንዳለባቸውም መልዕክት አስተላልፈዋል፡፡

የዲላ ዩኒቨርሲቲ ተቋማዊ ለውጥ ጽ/ቤት ለጽ/ቤት ኃላፊዎችና ለቡድን መሪዎች በመልካም አስተዳደር እና በተቋማዊ ለውጥ ጉዳዮች ዙሪያ የግንዛቤ ማስጨበጫ ስልጠና ሰጠ፡

ዲ/ዩ ሐምሌ 16/2013 ዓ.ም (ሕ.ግ) ሁሉም ስኬቶች የሚጀምሩት ከአስተሳሰብ ነው ያሉን የዲላ ዩኒቨርሲቲ አስ/ተማ/አገልግሎት ም/ፕሬዝዳንት ዶ/ር ዳዊት ሀዬሶ በቂ ሀብት ቢኖር እንኳን ሰው በአስተሳሰብ ካልተቃኘና በውስጣዊ ስሜቱ መስራት ካልቻለ ውጤት ሊያመጣ አይችልም ብለው ይህ ስልጠና በአመለካከትና በክህሎት የበለፀገ ማህበረሰብ እንዲኖረን ትልቅ እገዛ አለው ብለውናል፡፡
ዶ/ር ዳዊት አክለው ተራማጅ በሆነ ወቅት ላይ ሆነን ተራማጅ አስተሳሰብ ካልያዝን በርካቶች አልፈውን ስለሚሄዱ ዘመኑ የሚጠይቀውን እውቀትና አስተሳሰብ መቃኘትና መተግበር ያስፈልጋል ብለውናል፡፡

Dilla University won a four-year Volkswagen’s foundation project in collaboration with Bonn and Kenyatta Universities

Dilla University (DU) July 20, 2021, Public and International Relations Directorate, in an effort to secure and preserve Local Dynamics and Integration of UNESCO World Heritage Sites of Outstanding Universal Value, Volkswagen foundation supports scientific projects of the University of Bonn in Africa and the Amazon region.

የሀገር በቀል እውቀት ቅድመ ማስጠንቀቂያ የምርምር ማረጋገጫ ወርክ ሾኘ በዲላ ዩኒቨርሲቲ ተካሄደ::

ዲ ዩ ሐምሌ 10/2013 (ህ.ግ) አለም ከተፈጠረች አንስቶ አባቶቻችን የባህላዊ እውቀትን ጠብቀው አሁን እስካለንበት ዘመን ድረስ ማቆየታቸውን የገለፁልን የዲላ ዩኒቨርሲቲ ኘሬዚዳንት ተወካይና የአስ/ተማ/አገልግሎት ም/ኘሬዚዳንት ዶ/ር ዲዊት ሀዬሶ በአለማችን በርካታ ችግሮች ስከሰቱ በምድር ያለውን ምርምር አልፈው በህዋ ስመራመሩ የቆዩት ዛሬ ላይ ለሀገር በቀል ባህላዊ እውቀት ትልቅ እውቅና በመስጠት ላይ ናቸው ብለውናል::
አክለውም ዶ/ር ዳዊት አሁን ላይ የምታየው ስልጣኔ መነሻው ባህላዊ እውቀት በመሆኑ ሁለቱንም በማቀናጀት የህዝቡን ኑሮ ማሻሻልና ጤናን መጠበቅ ይገባል ብለዋል::

የዩኒቨርሲቲው ካውንስል የኢኮኖሚ አቅም ውስንነት ላለባቸው ሴት ተማሪዎች የ800,000 ሺህ ብር ድጋፍ አደረገ፡፡

ዲ/ዩ ሐምሌ 06/2013 ዓ.ም (ሕ.ግ) በዩኒቨርሲቲው ካውንስል የተደረገው የ800,000 ብር ድጋፍ ሴት ተማሪዎችን ውጤታማ እና ስኬታማ ለማድረግ ታስቦ የተደረገ ድጋፍ እንደሆነ የገለፁት የሴ/ህ/ወ/ጉ/ዳይሬክቶሬት ዳይሬክተር ወ/ሮ አለም ብርሃኑ ይህ ድጋፍ ለንጽህና መጠበቂያ እና ለመማሪያ ቁሳቁስ እንዲሆን ታስቦ የተደረገ ድጋፍ መሆኑን ገልፀዋል፡፡
ወ/ሮ አለም አያይዘውም የዚህን መሰል ድጋፍ ባለፉት ጊዜያትም የዩኒቨርሲቲው ካውንስል እያደረገ እንደመጣ ገልፀው ድጋፉ የኢኮኖሚ አቅም ውስንነት ያለባቸው ተማሪዎችን በትምህርታቸው ውጤታማ እንዲሆኑ ከማስቻሉም በላይ ተማሪዎቹ በተቋሙ ላይ ያላቸውን እምነትና አጋርነት የሚጨምር እንደሆነ ተናግረዋል፡፡

Day-3 Heart Convention, 2021, MoSHE

ሦስተኛ ቀኑን የያዘው "ወደ ዕውቀት-መር ኢኮኖሚ" በሚል መሪ ቃል በሳይንስና ከፍተኛ ትምህርት ሚኒስቴር የተዘጋጀው HEART Convention 2021 በዛሬው ውሎ በዋናነት በድጅታል ስትራቴጂ እና በኢንዱስትሪ ሊንኬጅ ጉዳዮች ላይ እየመከረ ይገኛል::
የምርምር÷ የፈጠራና የጉድኝት ስራዎችን ለማበረታታት ታስቦ በተዘጋጀው በዚህ ኮንቬንሽን ላይ ዩኒቨርሲቲዎች÷ የቴክኒክና ሙያ እና የተለያዩ የምርምርና የፈጠራ ተቋማት እየተሳተፉ የሚገኙ ሲሆን ዲላ ዩኒቨርሲቲም በምርምር÷ በፈጠራ እና በኢንዱስትሪ ግንኙነት ስራዎች የተከናወኑትን ተግባራት ለታዳምያን እያቀረበ ይገኛል::
 
ሐምሌ 7 ቀን 2013 ዓ.ም.
ኢንተርኮንትነንታል ሆቴል, አዲስ አበባ, ኢትዮጵያ

ማስታወቂያ: በዳግም ምደባ አዲስ ለተመደባችሁ ፍሬሽማን ተማሪዎች በሙሉ

በሳይንስና ከፍተኛ ት/ሚኒስቴር አማካኝነት በዳግም ምደባ ዲላ ዩኒቨርሲቲ የተመደባችሁ የአንደኛ አመት ተማሪዎች የምዝገባ ቀን እስከ ዐ9/11/13 ዓ/ም ድረስ ብቻ መሆኑን እየገለጽን በተጠቀሱት ቀናት ለምዝገባ የሚያስፈልጉ የትምህርት ማስረጃችሁን እና ጉርድ ፎቶ ግራፍ በመያዝ በተፈጥሮ ሳይንስ መስክ የተመደባችሁ በዋናው ግቢ እና በማህበራዊ ሳይንስ መስክ የተመደባችሁ በኦዳያአ ግቢ ባሉ የሬጅስትራርና አሉምናይ ዳ/ጽ/ቤት በአካል በመቅረብ እንድትመዘገቡ እናስታውቃለን፡፡
ማሳሰብያ፡- ከተጠቀሱት ቀናት ውጪ ለምዝገባ የሚመጡ ተማሪዎችን የማናስተናግድ መሆኑን እናሳውቃለን፡፡

Pages