ዲ.ዩ መጋቢት 11/2016 ዓ.ም (ህ.ዓ.ግ)፦ በዲላ ዩኒቨርሲቲ የጤናና ህክምና ሳይንስ ኮሌጅና አጠቃላይ ሆስፒታል አዘጋጅነት የምርምር ደረጃን የሚያሳይ የጥናትና ምርምር መረጃ አያያዝና አስተዳደር (Research Data management) እና በሰው ሰራሽ አስተውሎት (AI) አውድ በጤናው ዘርፍ ያሉ መርሆዎችን በተመለከተ ስልጠና እየተሰጠ ይገኛል፡፡
ስልጠናውን በንግግር የከፈቱት የዲላ ዩኒቨርሲቲ የጤናና ህክምና ሳይንስ ኮሌጅና አጠቃላይ ሆስፒታል ዋና ስራ አስፈፃሚ አቶ ትዝአለኝ ተስፋዬ፤ ኮሌጁ ከጀርመን ግሬፍስዋልድ ዩኒቨርሰቲ (Greifswald) ሁለት ተመራማሪዎች ጋር በተደረገ መግባባት በራሳቸው ፈቃድ በምርምር መረጃ አስተዳደር እና በጤናው ዘርፍ የሰው ሰራሽ አስተውሎት አውዳዊ መርሆዎች ዙሪያ ስልጠና እየተሰጠ መሆኑን ገልጸዋል።
ስልጠናው በጤና የምርምር ዘርፍ ቴክኖሎጂ የደረሰበትን ደረጃ የሚያሳይ መሆኑን ጠቅሰው ለሁሉም ትምህርት ክፍል መምህራን እንዲሁም ከሦስተኛ ዲግሪ ተማሪዎች እስከ ጀማሪ ተመራማሪዎች ድረስ ላሉ የአካዳሚክ ስታፎች እየተሰጠ እንደሚገኝ አያይዘው ገልጸዋል።
አቶ ትዝአለኝ አክለውም፤ ከጀርመኑ ግሬፍስዋልድ ዩኒቨርሲቲ የመጡ ተመራማሪዎች ምርምር የሚያካሂዱበት ማዕከል ስላላቸው ይህንን የህክምና ማዕከል ከኛ ሆስፒታል ጋር ለማስተሳሰር ፋይዳ እንደሚኖረውም ጠቁመዋል።
ዶ/ር አትንኩት አላምረው፣ በጀርመን ሀገር ግሬፍስዋልድ ዩኒቨርሲቲ “Post Doctoral ተመራማሪ፣ በጥናትና ምርምር መረጃ አያያዝና አስተዳደር ዙሪያ ስልጠና እየሰጡ ያሉ ሲሆን፣ አቶ ኪሩቤል ብሩክ የሶስተኛ ዲግሪ ተማሪ ሲሆኑ በሰው የሰራሽ አስተውሎት በጤናው ዘርፍ በሚል ርዕስ ስልጠና እንደሚሰጡ ለማወቅ ተችሏል።
በስልጠናው ከ20 በላይ የሚሆኑ መምህራን፣ ተመራማሪዎች እንዲሁም የ3ኛ ዲግሪ ተማሪዎች እየተሳተፉ ይገኛሉ።
ዲላ፤
የአረንጓዴው ምድር ዩኒቨርሲቲ፤
የህዝብና ዓለም አቀፍ ግንኙነት ዳይሬክቶሬት

Facebook:
https://www.facebook.com/Du.edu.et
Telegram: https://www.t.me
website: https://www.du.edu.et
Email: https://www.pirdir@du.edu.et