ዲ.ዩ፦ ሐምሌ 2/2016 ዓ.ም (ህ.ዓ.ግ)፦ በዲላ ዩኒቨርሲቲ በዘንድሮ የትምህርት ዘመን በመጀመሪያ ዙር (ማህበራዊ ሳይንስ ) የሚወስዱ የ12ኛ ክፍል ብሔራዊ ፈተና የሚወስዱ ተማሪዎች ተጠቃለው መግባታቸው ተገልጿል።
በዩኒቨርሲቲው ከሐምሌ 3 -12 በሚቆየው የ12ኛ ክፍል ብሄራዊ ፈተና ተፈታኞች ተጠቃለው መግባታቸውን አስመልክቶ፤ ችሮታው አየለ (ዶ/ር)፣ የዲላ ዩኒቨርሲቲ ፕሬዝዳንት እና ደረጀ አንዱዓለም (ዶ/ር)፣ የአስ/ልማ/ምክትል ፕሬዝዳንት መግለጫ ሰጥተዋል፡፡
ዶ/ር ችሮታው አየለ በመግለጫቸው፤ እንደ ዩኒቨርሲቲ በ2016 ዓ.ም ከ17 ሺህ በላይ የሚሆኑ የ12ኛ ክፍል ብሄራዊ ፈተና ተፈታኞች በተፈጥሮ እና በማህበራዊ ሳይንስ ፈተና እንደሚፈተኑ ገልጸው በዚህም የመጀመሪያው ዙር የማኅበራዊ ሳይንስ ተማሪዎች ከአርብ ጀምሮ በመግባት በትላንትናው ዕለት ሙሉ በሙሉ ተጠናቀው መግባታቸውን ገልጸዋል።
በዚህም ለተማሪዎች የሚያስፈልገው የተማሪዎች የመኝታ እና የምግብ አገልግሎት የተሰጠ እንደሆነ ተናግረው ፤ ከዛ ባሻገር በዛሬው ዕለት ለፈተና አስፈጻሚዎች የእንኳን ደህና መጣችሁ እና የገለጻ ፕሮግራም እንደሚከናወን ዶ/ር ችሮታው አያይዘው ተናግረዋል።
ዶ/ር ችሮታው አክለውም፤ ከሰዓት በኃላ በሁለቱም ግቢዎች ማለትም በነባሩ ግቢ እና በኦዳያኣ ግቢዎች ላይ የተማሪዎች ገለጻ በዝርዝር እንደሚሰጥ ገልጸው ፤ ተማሪዎች በቆይታቸው ፈተናቸውን በተመቻቸ ሁኔታ ወስደው ወደየመጡበት እንዲመለሱ በተቋሙ 24 ሰዓት እንደሚሰራ በመግለጽ ለተፈታኞቹ እንኳን ወደ ዲላ ዩኒቨርሲቲ በሰላም መጣችሁ በማለት መልዕክት አስተላልፈዋል።
ደረጀ አንዱዓለም (ዶ/ር) ፣ የአስ/ል/ምክትል ፕሬዝዳንት በበኩላቸው፤ በዩኒቨርሲቲው ዘንድሮ የ12ኛ ክፍል ብሄራዊ ፈተናን በተመለከተ ቀደም ብሎ በፕሬዝዳንቱ አቢይ እና ንዑሳን ግብረ ኃይሎች ተቋቁመው ሰፊ ስራዎች ሲሰሩ እንደነበር ገልጸው፤ በዚህም ተማሪዎች ወደ ዩኒቨርሲቲው መግባት ከጀመሩበት ቀን አንስቶ ማደሪያቸውን ዝግጁ በማድረግ እና በመቀበል በትላንትናው እለት ሙሉ ለሙሉ ተማሪዎች ተጠቃለው በመግባት ለፈተናው መዘጋጀታቸውን ተናግረዋል።
ዶ/ር ደረጃ አክለውም፤ ከተማሪዎች አገልግሎት ረገድም በምግብ አቅርቦት ፣ በመኝታ፣ በህክምና እንዲሁም በሌሎች መስኮች በበቂ ሁኔታ ዝግጅት መደረጉን በመግለጽ ለተማሪዎች የግቢ ቆይታቸው መልካም እንዲሆን ተመኝተዋል።
ትምህርት ሚኒስቴር ባወጣው መርሃ ግብር መሰረት በዩኒቨርሲቲው ከሐምሌ 3-11 /2016 ዓ.ም በሚካሄደው አገር አቀፍ ብሔራዊ ፈተና ከ17,500 በላይ ተማሪዎች ብሄራዊ ፈተናውን እንደሚወስዱ ታውቋል።
ዲላ፤
የአረንጓዴው ምድር ዩኒቨርሲቲ፤
የህዝብና ዓለም አቀፍ ግንኙነት ዳይሬክቶሬት

Facebook:
https://www.facebook.com/Du.edu.et
Telegram: https://www.t.me
website: https://www.du.edu.et
Email: https://www.pirdir@du.edu.et