ዲ.ዩ የካቲት 30/2016 ዓ.ም (ህ.ዓ.ግ)፦ በዲላ ዩኒቨርሲቲ የልዩ ፍላጎት ትምህርት ድጋፍ ማዕከል ዳይሬክቶሬት አዘጋጅነት በድምጽ አማካኝነት በሚሰጥ ትዕዛዝ ስራዎችን ለማከናወን የሚያስችልና ለአይነስውራን ተስማሚ የሆነ (Job Access With Speech) የኮምፒውተር መተግበሪያ እና የብሬል ማንበብና መጻፍ ክህሎት ስልጠና እየሰጠ ይገኛል፡፡
አቶ ዮናስ ተጠምቀ፣ የዲላ ዩኒቨርሲቲ አካዳሚክ ጉዳዮች ምክትል ፕሬዝዳንት ጽ/ቤት ኃላፊ፤ ስልጠናው በተስማሚ መሠረታዊ የኮፒውተር እና በብሬል በማንበብ እና በመጻፍ ክህሎት ዙሪያ አይነስውራን እንዴት መጠቀም እንደሚገባቸው መሠረታዊ ጽንሰ ሐሳቦችን የሚቀስሙበት እንዲሁም ከቴክኖሎጂ ጋር ራሳቸውን በማቀራረብ ዕለት ተዕለት የሚሰሩበት እንዲሆን የተሳበ መሆኑን አስረድተዋል።
አባቡ ተሾመ (ዶ/ር)፣ የዲላ ዩኒቨርሲቲ የልዩ ፍላጎት ትምህርት ድጋፍ ማዕከል ዳይሬክተር በበኩላቸው፤ ስልጠናው አይነስውራን ተማሪዎች በነገ ስራቸው እና ሕይወታቸው ላይ ለውጥ ለማምጣት የሚረዳ ምቹ ሁኔታን ለመፍጠር የተዘጋጀ ስልጠና ነው ብለዋል፡፡
በሌላ በኩል፤ አቶ ሰረቀ ብርሃን፣ የዲላ ዩኒቨርሲቲ የታሪክ ትምህርት ክፍል መምህር፤ ተስማሚ መሠረታዊ የኮፒውተር ስልጠና (Jaws) ዙሪያ ስልጠና የሚሰጡ ሲሆን፤ አባቡ ተሾመ (ዶ/ር)፣ የዲላ ዩኒቨርሲቲ ልዩ ፍላጎት ትምህርት ድጋፍ ማዕከል ዳይሬክተር ደግሞ በብሬል ማንበብ እና መጻፍ ክህሎት ላይ ስልጠና እንደሚሰጡ ለማወቅ ተችሏል፡፡
በስልጠናው ከአቅም ማሻሻያ መርሃ ግብር (Remedial) እስከ 4ኛ ዓመት ያሉ በመደበኛ መርሃ ግብር ትምህታቸውን እየተከታተሉ የሚገኙ 14 አይነስውራን ተማሪዎች ተሳታፊ መሆናቸው ታውቋል።
ዲላ፤
የአረንጓዴው ምድር ዩኒቨርሲቲ፤
የህዝብና ዓለም አቀፍ ግንኙነት ዳይሬክቶሬት

Facebook:
https://www.facebook.com/Du.edu.et
Telegram: https://www.t.me
website: https://www.du.edu.et
Email: https://www.pirdir@du.edu.et