ዲ.ዩ፦ሐምሌ 5/2016 ዓ.ም (ህ.ዓ.ግ):- የዲላ ዩኒቨርሲቲ ከፍተኛ አመራሮች ከ2016 ዓ.ም የ12ኛ ክፍል ብሔራዊ ፈተና የበይነ መረብ ተፈታኞች ጋር #የምትተክልሀገርየሚያፀና_ትውልድ በሚል መሪ ቃል እንደሀገር የተጀመረውን የአረንጓዴ አሻራ ንቅናቄ አካል በመሆን አረንጓዴ አሽራ አኑረዋል።
ችሮታው አየለ (ዶ/ር)የዲላ ዩኒቨርሲቲ ፕሬዚዳንት በአረንጓዴ አሸራ ማኖር መርሐግብሩ ላይ ባደረጉት ንግግር እንደሀገር የተጀመረውን የአረንጓዴ አሻራ መርሐ ግብር በታሪክ ለመጀመሪያ ጊዜ የ12ኛ ክፍል ብሔራዊ ፈተና በበይነመረብ የወሰዱት ተማሪዎች ለማስታወሻ አገር በቀል የፍራፍሬ ዛፎች በመዘጋጀት መተከሉን አውስተው ተፈታኞች በዚህ ትልቅ አገራዊና ለቀጣይ ትውልድ የሚጠቅም ፕሮግራም መሳተፋቸው እድለኞች መሆናቸውን ተናግረዋል።
ዶክተር ችሮታው አያይዘውም አረንጓዴ አሻራ ማኖሩ በዩኒቨርስቲው ማሕበረሰብ ተጠናክሮ እንደሚቀጥል አስገንዝበዋል።
አረንጓዴ አሻራ በማኖር ከተሳተፉ ተፈታኝ ተማሪዎች መካከል አብርሃም ዱኳሌና ስላምነሽ ብርሃኑ በዲላ ከተማ የዳማ ሁለተኛ ደረጃ ትምህርት ቤት ተማሪዎች በሰጡን አስተያየት ዲላ ዩኒቨርሲቲ ላዘጋጀላቸው ታሪካዊ ሁነት አመስግነው ያኖሩት አረንጓዴ አሻራ ተመልሰው በመምጣት ውሃ በማጠጣትና በመንከባከብ በአግባቡ አድጎ ዛፍ እስከሚሆን ክትትላቸውን እንደሚቀጥል ተናግረዋል።
ዲላ፤
የአረንጓዴው ምድር ዩኒቨርሲቲ፤
የህዝብና ዓለም አቀፍ ግንኙነት ዳይሬክቶሬት

Facebook:
https://www.facebook.com/Du.edu.et
Telegram: https://www.t.me
website: https://www.du.edu.et
Email: https://www.pirdir@du.edu.et