ዲ.ዩ፤ ታህሳስ 16/2016 ዓ.ም (ህ.ዓ.ግ)፦ ዲላ ዩኒቨርሲቲ የተልዕኮ ልየታውን መሰረት አድርጎ እየሰራ እንደሆነ የተገለጸው የተልዕኮ ልየታ ትግበራ ስትራቴጂው ለዩኒቨርሲቲው ከፍተኛ አመራሮች ቀርቦ በተገመገመበት ወቅት ነው።

በትምህርት ሚኒስቴር በተሰራው የተልዕኮ ልየታ መሰረት ዲላ ዩኒቨርሲቲ እንደ አገር የተግባራዊ ዩኒቨርሲቲ (Applied Science University) ሁነው ከተለዩ 15 ዩኒቨርሲቲዎች አንዱ መሆኑ ይታወቃል። ከዚሁ ጋር በተያያዘ ከሚኒስቴር መስሪያ ቤቱ በተላከው የተልዕኮ ትግበራ ማኑዋል መነሻነት የዩኒቨርስቲው የተልዕኮ ልየታ የትግበራ ስትራቴጂ በተቋቋመው ኮሚቴ ተዘጋጅቶና ቀርቦ ሰፊ ውይይት ተደርጎበታል።

በውይይቱም የከፍተኛ ትምህርት ተቋማትን ሪፎርም የማድረግ ስራ እና ዩኒቨርሲቲዎችም ልየታን መሰረት ባደረገ የትኩረት መስክ ልክ መስራት እንደሚኖርባቸው ከፍተኛ ትኩረት ተሰጥቶት እየተሰራ እንደሆነ ሀሳብ ተነስቷል። ዲላ ዩኒቨርሲቲም ይህንን መሰረት በማድረግ የተልዕኮ ልየታውን ተግባሪዊ እንደሚያደርግ ተገልጿል።

በቀጣይም የተልዕኮ ልየታውን አስመልክቶ በየደረጃው እስከ መምህራን ድረስ ወርዶ ውይይቶች እንደሚደረጉም በዛሬው ውይይት አቅጣጫ ተሰጥቷል።

የህዝብና ዓለም አቀፍ ግንኙነት ዳይሬክቶሬት

ዲላ ዩኒቨርሲቲ

የአረንጓዴው ምድር ዩኒቨርሲቲ

Telegram: https://t.me/dprd9

Email: pirdir@du.edu.et

p.o.box: 419

Dilla, Ethiopia