በከፍተኛ ትምህርት ተቋማት ለተመራቂ ተማሪዎች የሚሰጠውን የመውጫ ፈተና ቅድመ ዝግጅት አስመልክቶ ውይይት ተካሄደ

ዲ.ዩ፦ የካቲት 22/2015 ዓ.ም (ህ.ዓ.ግ) በኢትዮጵያ የከፍተኛ ትምህርት ተቋማት ከ2015 ዓ.ም የትምህርት ዘመን ጀምሮ ለሚመረቁ ተማሪዎች የመውጫ ፈተና ለመስጠት ተወስኖ ወደ ስራ መገባቱ ይታወቃል። ይህን የመውጫ ፈተና ለማከናወን የሚረዱ የቅድመ ዝግጅት ተግባራት ሁኔታዎችን አስመልክቶ በዲላ ዩኒቨርሲቲ ውይይት አካሂዷል።
በውይይቱ መንግስት እንደ ሀገር ባስቀመጠው አቅጣጫ መሰረት የከፍተኛ ትምህርት ተቋማት የመውጫ ፈተና ለመስጠት የተቋማቱ ዝግጅት ምን እንደሚመስል ምልከታ ለማድረግ የተለያዩ ቡድኖች መሰየማቸው ተገልጿል።
የመውጫ ፈተናውን ለመስጠት አስቻይ ሁኔታዎችን ዝግጁ ለማድረግ እና ከመንግስት የተቀመጠውን አቅጣጫ ለመተግበርና ለማሳካት እንደ ተቋም እስከ ትምህርት ክፍሎች ድረስ ተወርዶ እየተሰራ እንደሆነ ችሮታው አየለ (ዶ/ር)፣ የዲላ ዩኒቨርሲቲ ፕሬዝዳንት ገልጸዋል።

ማስታወቂያ

የዲላ ዩኒቨርሲቲ "በመንግስት የከፍተኛ ትምህርት ተቋማት የአመራርና የአስተዳደር ኃላፊዎች ምርጫ እና ምደባ ለመደንገግ በወጣው መመሪያ ቁጥር 002/2011" መሰረት የአካዳሚክ ጉዳዮች ምክትል ፕሬዝዳንት በውስጥ ማስታወቂያ አወዳድሮ መሰየም ይፈልጋል።
ስለሆነም አመልካቾች የትምህርት እና የስራ ልምድ ማስረጃዎቻቸውን እንዲሁም ዋና ተግባሩን ለማሳደግ የሚረዳ አጭር ሀሳብ (Brief Proposal) በማዘጋጀት እና በማሸግ ከየካቲት 20/2015 ዓ.ም እስከ መጋቢት 04/2015 ዓ.ም ድረስ ባሉት 10 ተከታታይ የስራ ቀናት ፕሬዝዳንት ጽ/ቤት በመቅረብ ለዚሁ አገልግሎት በተዘጋጀው ሳጥን በማስገባት ማመልከት የሚችሉ መሆኑን እናሳውቃለን።
አወዳዳሪ ኮሚቴ

በተቋማዊ የለውጥ ስራ የተሻለ ውጤት ላስመዘገቡ ክፍሎችና ሰራተኞች እውቅና ተሰጠ

ዲ.ዩ፦ የካቲት 18/2015 ዓም (ህ.ዓ.ግ) የዲላ ዩኒቨርሲቲ ህክምና እና ጤና ሳይንስ ኮሌጅ አጠቃላይ ሆስፒታል 'SBFR' (System Bottleneck Focused Reform) ተቋማዊ የለውጥ ስራ መተግበር ከጀምረ ወዲህ የተሻለ ውጤት ላስመዘገቡ ክፍሎችና ሰራተኞች እውቅና የመስጠት መርሃ-ግብር አካሂዷል።
ዶ/ር ምፅዋ ሩፎ፣ የዲላ ዩኒቨርሲቲ ህክምና እና ጤና ሳይንስ ኮሌጅ አጠቃላይ ሆስፒታል ም/ኘሬዝዳንት፤
ላለፉት 13 ሳምንታት በጤና ሚኒስቴር እየተተገበረ ያለውን 'ሪፎርም' እንደተቋም ተቀብለን መተግበር ከጀመርን ጀምሮ ትልቅ ለውጥ ታይቷል ብለዋል።
በሀገሪቱ 'ሪፎርሙ' ከተተገበረባቸው 36 ሆስፒታሎች መካከል የዲላ ዩኒቨርስቲ አጠቃላይ ሆስፒታል ጥሩ ውጤት በማስመዝገብ በሀገር አቀፍ ደረጃ እውቅና ማግኘቱን አያይዘው ተናግረዋል ዶ/ር ምፅዋ።

ለአቅመ ደካማ የማህበረሰብ ክፍሎች ቤት የማደስ በጎ ፍቃድ አገልግሎት ማስጀመሪያ መርሃ-ግብር ተካሄደ

ዲ.ዩ፦ የካቲት 14/2015 ዓም (ህ.ዓ.ግ) የዲላ ዩኒቨርሲቲ ማኔጅመንት አባላት በይርጋጨፌና ወናጎ ወረዳዎች ለሚገኙ አቅመ ደካሞች የቤት የማደስ በጎ ፍቃድ አገልግሎት አስጀመሩ።
የዲላ ዩኒቨርሲቲ ኘሬዝዳንት ችሮታው አየለ (ዶ/ር) እንደገለፁት፤ ባለፉት አመታት በዲላ እና ወናጎ አካባቢ የአቅመ ደካሞችን ቤት የማደስና የተወሰኑ ለቤት ቁሳቁስ የሚሆኑ እቃዎችን በልዩ ሁኔታ የመደገፍ ስራ ተሰርቶ ነበር ብለዋል። በዘንድሮው አመትም ይህንኑ መሰል በጎ ፍቃድ አገልግሎት በይርጋጨፌ እና ወናጎ ወረዳዎች ለማከናወን ታቅዶ ወደ ስራ መገባቱን ፕሬዝዳንቱ አክለው ገልፀዋል።
ዩኒቨርሲቲው እየሰራ ያለው ስራ ለአከባቢው ባለሀብት እና አስተዳደር አነሳሽ በመሆኑ እንደዚህ አይነት የማህበረሰብ ክፍሎችን ለመርዳት መትጋትና መቀናጀት እንደሚገባም ዶ/ር ችሮታው አሳስበዋል።

በዲላ ዩኒቨርሲቲ የህክምና እና ጤና ሳይንስ ኮሌጅ ጠቅላላ ሆስፒታል የአጥንት ቀዶ ህክምና አገልግሎት በስፋት እየተሰጠ መሆኑ ተገለፀ

ዲ.ዩ፦ የካቲት 10/2015 ዓ.ም (ህ.ዓ.ግ)፦ በዲላ ዩኒቨርሲቲ የህክምና እና ጤና ሳይንስ ኮሌጅ ጠቅላላ ሆስፒታል ከትራፊክ አደጋ ጋር ተያይዞ ከሚሰጠው አገልግሎት መካከል በተለይ የአጥንት ቀዶ ህክምና አገልግሎትን በስፋት እየሰጠ እንደሚገኝ ተገልጿል፡፡
ዶ/ር አብይ ብርሃኑ፣ በዲላ ዩኒቨርሲቲ የህክምና እና ጤና ሳይንስ ኮሌጅ ጠቅላላ ሆስፒታል በአጥንት ቀዶ ህክምና ስፔሻሊስት፤ የአጥንት ህክምና በብዛት ድንገተኛ ህክምና ላይ ትኩረት ያደረገ እንደሆነ ተናግረዋል። ይህም ድንገተኛ ህክምና ከአደጋ ጋር የተያያዙ ህክምና እና ካንሰርን ጨምሮ 'ኢንፌክሽን' እንዲሁም ሌሎች መሰል ህክምናዎች የሚሰጥበት እንደሆነ ገልጸዋል፡፡

የጨረታ ማስታወቂያ

ዲላ ዩኒቨርሲቲ ለተማሪዎች ምግብ ግብአት የሚውሉ፣ ለመማር ማስተማርና ለቢሮ አገልግሎት የሚውሉ የተለያዩ ግቡዓቶችንና የግንባታ ስራዎችን በግልፅ ጠረታ አወዳድሮ ለመግዛት ይፈልጋል። ጨረታውን መሳተፍ የምትፈልጉ ተጫራቾች በአዲስ ዘመን ጋዜጣ ታህሳስ 10/2015 ዓ.ም ታትሞ በወጣው የጨረታውን ዝርዝር መረጃ የምታገኙ መሆኑን አንገልፃለን።
ለበለጠ መረጃ፦
የጨረታውን ሙሉ ማስታወቂያ ለማግኘት የ telegram ወይም የ Facebook  ገፃችንን ይመልከቱ

ዓለም አቀፍ የአካል ጉዳተኞች ቀን በዲላ ዩኒቨርሲቲ ተከበረ

ዲ.ዩ፦ ታህሳስ 11/2015 ዓ.ም (ህ.ዓ.ግ)፦ የዲላ ዩኒቨርሲቲ የልዩ ፍላጎት ትምህርትና ድጋፍ ማዕከል ዳይሬክቶሬት ዓለም አቀፍ የአካል ጉዳተኞች ቀንን አከበረ። ቀኑ "አካታች የፈጠራ የስራና ሽግግራዊ መፍትሔ ለኢትዮጵያ አካል ጉዳተኞች ሁለንተናዊ ተደራሽነት" በሚል መሪ ቃል በልዩ ልዩ ዝግጅቶች ነው የተከበረው።
በመድረኩ የመክፈቻ ንግግር ያደረጉት ፍቃዱ ወ/ማርያም (ዶ/ር) የዲላ ዩኒቨርሲቲ የአካዳሚክ ጉዳዮች ምክትል ፕሬዝዳንት "ይህ በዓል ከሌሎች በዓላት በተለየ ሰብዓዊነት ጎልቶ የሚታይበት እና የሚታወስበት ልዩ በዓል በመሆኑ ከሌሎች ቀናት ለየት ያደርገዋል" ብለዋል።
ዶ/ር ፍቃዱ አክለውም በዩኒቨርሲቲው ከዚህ ቀደም የአካል ጉዳተኛ ተማሪዎች ውጤታማ ሆነው ትምህርታቸውን እንዲያጠናቅቁ አመርቂ ስራዎች ሲሰሩ መቆየቱን ገልጸዋል።

ዲላ ዩኒቨርሲቲ በባዮጋዝ ግንባታና ማዕድን አለኝታ ጥናት ዘርፍ ከደቡብ ብ/ብ/ሕ ክልል ማዕድን እና ኢነርጂ ኤጀንሲ ጋር በትብብር ለመስራት ስምምነት ተፈራረመ

ዲ.ዩ፦ ታህሳስ 07/2015 ዓ.ም (ህ.ዓ.ግ) ዲላ ዩኒቨርሲቲ በባዮጋዝ ግንባታና ማዕድን አለኝታ ጥናት ዘርፍ ከደቡብ ብ/ብ/ሕ ክልል ማዕድን እና ኢነርጂ ኤጀንሲ ጋር በትብብር ለመስራት የሚያስችላቸውን የውል ስምምነት ተፈራርሟል፡፡
የደቡብ ክልል ማዕድን እና ኢነርጂ ኤጀንሲ ዋና ዳይሬክተር ወ/ሮ አጸደ አይዛ 15 ሚሊየን ብር በሆነ ወጪ በባዮጋዝ ግንባታና በማዕድን አለኝታ ጥናት ዘርፍ ከዲላ ዩኒቨርሲቲ ጋር በትብብር ለመስራት የውል ስምምነት ላይ መደረሱን ተናግረዋል።
ከዩኒቨርሲቲው ጋር በምርምር እና በማህበረሰብ አገልግሎት ዘርፍ የህብረተሰቡን ተጠቃሚነት ለማሳደግ እየተሰራ ስለመሆኑም አስረድተዋል።

ለዲላ ከተማ የመጀመሪያ ደረጃ ፍርድ ቤቶች ሲሰጥ የቆየው ስልጠና ተጠናቀቀ

ዲ.ዩ፦ ህዳር 29/2015 ዓ.ም (ህ.ዓ.ግ) የዲላ ዩኒቨርሲቲ ማሕበረሰብ አገልግሎትና አጋርነት ዳሬክቶሬት ለዲላ ከተማ የመጀመሪያ ደረጃ ፍርድ ቤት ዳኞችና ባለሙያዎች ለሦስት ቀናት በህዝብ አገልግሎት አሰጣጥ ዙርያ ሲሰጥ የቆየውን ስልጠና አጠናቋል።
አቶ ብሩህ ተስፋሁን የዲላ ዩኒቨርሲቲ ማሕበረሰብ አገልግሎትና አጋርነት ዳሬክቶሬት የአጫጭር ስልጠናዎች አሰተባባሪ እንደገለጹት በህዝብ አገልግሎት አሰጣጥ ዙርያ ክፍተት በሚታይባቸው ቦታዎች ላይ የተሻለ አገልግሎት ለመስጠት የሚያስችል ስልጠና ተሰጥቷል ብለዋል።
ስልጠናውን የተከታተሉት አቶ ሽመልስ መንገሻ የዲላ ከተማ የመጀመሪያ ደረጃ ፍርድ ቤት ዳኛ እና የዳኝነት ስራ ሂደት አስተባባሪ በበኩላቸው የፍርድ ቤቶች ስራ በዋናነት በበዳይ እና ተበዳይ መካከል የሚነሱ ቅሬታዎችን ሳይንሳዊ በሆነ መንገድ ብይን መስጠት ነው ብለዋል።

Pages